Şəkildə: ABŞ səfiri həyat yoldaşı ilə birlikdə  "Şəkinin səsi" - "İpəkçi" nin ulu öndərimiz Heydər Əliyevin 85 illik yubileyinə həsr olunmuş yeni buraxılışı ilə tanış olarkən.

ABŞ səfiri xanım Ənn Dersi Şəkidə olarkən əməkdar jurnalist M. Salislə görüşmüş, onun “İpəkçi” qəzetinin öz ölkəsində yaxşı tanındığını, Nyu-Yorkun mətbuat evinin sərgi salo- nunda adı çəkilən qəzetin atlas parça üzərində çap edilmiş 1000-ci nömrəsinin bu gün də nümayiş etdirildiyini məmnunluqla vurğulamış, ABŞ və Azərbaycan xalqları arasında dostluq əlaqələrinin möhkəmləndiril- məsində bir jurnalist kimi baş redaktorun xidmətlərini yüksək qiymətləndirmişdir. 

Bax: 5 iyun tarixli "Şəkinin səsi" qəzeti"

17.05.2008 4-cü dəfə keçirilən NETTY-2008 (Azərbaycan Milli İnternet Mükafatı) - müsabiqəsində Şəki saytlarının, o cümlədən "Şəkinin səsi" qəzeti saytlarının uğurlu çıxışı!

 

Diqqət: Yeni rublika 

ÜZBƏÜZ

(07.03.08;13.00; Milli Məclis, Deputat korpusu, Hadi Rəcəblinin iş otağı)

Hadi  Rəcəbli: referendum  çağrılmalıdır,  Konstitusiyaya düzəliş  edilməlidir ki,  1 şəxs dəfələrlə Azərbaycan  Respublikasının Prezidenti seçilə  bilər. Biz nəyə görə möhtərəm İlham  Əliyevin 3-cü dəfə prezident seçilmək  hüququna məhdudiyyət qoymalıyıq ki?!

Azərbaycan Respublikasının Prezidenti İlham Əliyev Lənkəranda çıxış edərkən; arxada:  Hadi Rəcəbli

   AydınMəmmədov: Hadi müəllim,  "Şəkinin səsi" qəzetinin web saytında  yeni rublika - "Üzbəüz" rublikası  açmışıq, məqsədimiz bu rublika altında  görkəmli şəxslərlə üzbəüz oturub,  sözümüzü demək və onların sözünü eşitmək, fkrimizi çatdırmaq və qarşı  tərəfin münasibətini öyrənmək, bizi maraqlandıran suallara cavab almaq, bir sıra problemlərin həllində iştirak etmək, bir sözlə, ictimai fəallıq göstərməkdir və ilk müsahibimiz də sizsiniz. Belə ki siz Milli Məclisdə komissiya sədrisiniz, siyasi elmlər doktorusunuz, ən əsası isə, hər halda bizim üçün ən əsası isə odur ki Siz Şəkidə 5 il 1- katib işləmisiniz indi isə "Şəkinin səsi" qəzetinin tedaksiya heyətinin üzvüsünüz.

Hadi Rəcəbli:Birici nədən başlayaq?

Ardını 29.03.2008-ci il tarixli "Şəkinin səsi" qəzetində oxu  >>>

 

Almaniyada fəaliyyət göstərən Azərbaycan Akademik Birliyinin sədri Mərdan Ağayevin bizim sayta məktubu


Aydın bəy,  məlumunuz olsun ki, Aprel ayının əvvəli, Berlin şəhərindəki "Verlag Dr. Köster" nəşriyyatında "Jahrbuch Aserbaidschan forschung" ("Azərbaycan tədqiqatları") adlı illik məcmuənin 2-ci cildi nəşr olunacaq. (Bildiyiniz kimi 1-ci cild 2007-ci ilin mart ayında işiq üzü görmuşdür) "Jahrbuch Aserbaidschan forschung"-un 2-ci cildində 15 məqalə dərc olunub və 350 səhifədən ibarətdir. Bu illik məcmuədə, Avropada Azərbaycan movzusu ile məşğul olan bir çox alman aliminin məqalələri öz əksini tapıb.  Sizin adınızı kitabın ön sözundə qeyd etmişik      ( BAX: ) , yəni bizə 2 ci cildin yaranmasında kömək göstərən şəxslərin adlarını sadalayarkən. Daha ətrafli məlumat uçun, bu internet səhifələrinə baxa bilərsiniz:

www.jaf.here.de
www.verlag-koester.de
www.asav.org Mərdan Ağayev

Həmçinin, "Jahrbuc hAserbaidschanforschung” un Bakıdakı ilk təqdimat mərasimini barədə "Şəkinin səsi"ndə dərc olunmuş məqaləyə bax: >>>

 Həmçinin, "Jahrbuc hAserbaidschanforschung” un nəşrini və təqdimat mərasimini Azərbaycan KİV tərəfindən işıqlandırılmaması barədə felyetonu oxumaq üçün bax: >>>

 

 Diqqət! http://shekitarixi.googlepages.com/ .  Bu saytı "Şəkinin səsi" qəzeti saytına əlavə, köməkçi bir internet səhifəsi olaraq yaratdıq. Belə ki birinci, internet-kataloqlarda yalnız "Xəbər", yaxud "Media" kateqoriyalarında qeydiyyatdan keçmişdi. Şəkinin tarxinə diqqəti artırmaq üçün biz bu saytı hazırlayıb onu "Tarix" kateqoriyasında qeydiyyatdan keçırdık və burada əsasən, Şəki tarixinə dair materialları dərc edəcəyik!

    Dekabrın 9-u Bakı vaxtı ilə 20.00 və 23.00 da  "Azadlıq" radiosunun"İz" Mədəniyyət proqramında aparıcısı Sevda xanım, mən - Aydın Məmmədov, Xarici İşlər Nazirliyi Dövlət Protokolu İdarəsinin rəisi, həm də qərərgahı Lüksembruqda yerləşən Əsilzadələr Cəmiyyətinin http://www.almanach.be/ saytının redaksiya heyətinin  üzvü Pərvin Mirzazadə  "mühacirətdə olan qəbirlər" mövzusunda maraqlı diskusiya   etndik:

Birbaşa "Azadlıq" radiosundan qulaq asın:  Bunu bas

Yaxud yükləyin və qulaq asın:

 

Dekabrın 7-i 1875-ci ildə Şəki şəhərində görkəmli dövlət xadimi Fətəli xan Xoyski  anadan olmuşdur. Onun nəşi hələ də qürbətdə "çürüyür"! 

    1918 – 1920-ci illərdə mövcud olmuş Azərbaycan Demokratik Respublikasının yaradıcılarından çoxu, bu cümhuriyyətin süqutundan sonra mühacir həyatı yaşamağa məcbur oldular və ömürlərini də qürbətdə başa vurdular. Onların qəbirləri indi də qürbətdədir. Xalqımıza divan tutan erməni Stepan Şaumyanın qəbri və heykəli Bakının düz ortasında, Şərqdə ilk cümhuriyyəti quran həmmillətlərimizin məzarları isə qürbətdə!
       Vaxt gələcək, biz müsəlmanlar ayılacağıq, istəyəcəyik ki Məmmədəmin Rəsulzadənin, Fətəli xan Xoyskinin və nə bilim, bunlar kimi nə qədər digər görkəmli şəxslərimizin nəşini gətirək Vətənə. O zaman sual ortaya çıxacaq: onları harada dəfn edək? Fəxri Xiyabanda? Şəhidlər xiyabanında? Ya Elçibəyin adıyla hallandırılan versiyaya uyğun “Sahil”, yəni keçmiş “26-lar” parkında? Ya anadan olduqları yerdə? Ya qohumların, yaxud əcdadlarının dəfn olunduqları yerdə? O zaman bizim bu məqaləmiz aktual olacaq;  bax:
Bir qəbir kitabəsinin izi ilə, yaxud F. X. Xoyskinin əsli nəcabətinə dair tarixi faktlar 

 

 

Avropa Insan hüqüqları Müdafiə təşkilatının təmsilciləri  Azadlıq qəzətinin baş redaktoru Qənimət bəy Zahidi aclq aksiyasını danaydırmaga cagırır:

                           Salamlar olsun elim Şəkiyə ve əhalisinə.

       Salam hormetli Aydın muəllim.  
Hörmətli Aydın müəllim, AIHM təşkilatının yaratdığı 'Xalq evinin' 100 saatliq tədbiri başa çatıb. Tədbirlərimiz çox mükəmməl keçib. Bu ayın 19-da Almaniyanin Sulingen şəhərində konfransimiz olacaq. Ümudvaram ki, orada bizim xeyirimizə alman dostlarımızəzmkarlıq göstərərək öz sözlərini deyəcəklər. Həmin konfrans haqqinda da size melumat vermeyi planlaşdırmışam. Son tədbirimizdən olan materialı və fotoları sizə göndərirəm.Birdə, Aydın müəllim, tədbirdə Azərbaycanlı xanımı Samirə Babayeva da təmsilçilərdən biri idi. Ümudvaram ki, xanımlarımız da bu işlərdə müvəffeqiyyəte nail olmağa çalişırlar.
 
                                                                                                Sayğilarla: Intiqam.
 

 Almaniyada 'Xalq evinin' 100 saatliq tədbiri başa çatmışdır:

 

 Bu il ən çox kitabı satılan Azərbaycanlı müəllif, şəkili Bəhram Çələbi  (Mustafabəyli) olmuşdur. Onun təkcə "Sabirabadlı Hikmət"  adlı kitabı Moskvada 20 min, Azərbaycanda isə 12 min nüsxə satılmışdır. Bu il Bəhram müəllimin "Diktator Ağakərim"  adlı kitabının rus dilində  tərcüməsi ("Бог Урала") də  başa çatmış və həm də onun ingilis dilnə tərcüməsinə başlanılmışdır. Müəllif hal-hazırda Azərbaycanda kifayət qədər məşhur olan "Lotu Bəxtiyar" kitabının 3-cü cildi, "Dağlı Cavanşir"in isə 2-ci hissəsi  üzərində işləyir. Bu günlərdə  B. Çələbinin "Lotulat, cayıllar və..." adlı kitabı çapdan çıxacaqdır.  Dövri-mətbuatda - "Kriminal" və "Serial"  və s. qəzetlərdə,  onun çoxlu sayda maraqlı məqalələri dərc olunmuş və olunmaqdadır.

 

Noyabr ayının 2-dən etibarən isə şəkili Bəhram Çələbinin Bakıda"Kriminal xronika" adlı qəzeti nəşrə başlamşdır!

 

 

Oktyabrin 30-da əziz dostumuz, "Şəkinin səsi" qəzetinin redaksiya heyətinin üzvü,  AFFA -nın prezidenti Ramiz Mirzəyev, 53 yaşında vəfat etdi Bizim saytdakı foto şəkillərin böyük əksəriyyəti, onun bizə hədiyyə etdiyi fotoaparat vasitəsi ilə çəkilmişdir. Allah ona rəhmət eləsin. O, gözəl, çox gözəl bir insan idi!

      Uzun xəstəlikdən sonra dünyasını dəyişən AFFA prezidenti Ramiz Mirzəyevi, öz vəsiyyətinə əsasən, doğulduğu Tovuz rayonun Donqar Quşçu kəndində dəfn etdilər.
    Dəfin mərasimində Yeni Azərbaycan Partiyasının icraçı katibi Əli Əhmədov, onun müavini Mübariz Qurbanlı, AFFA-nın baş katibi Elxan Məmmədov, kənd təsərrüfatı nazirinin müavini Aslan Aslanov, “Azəriqaz” Qapalı Səhmdar Cəmiyyətinin sədri Əlixan Məlikov, Tovuz Rayon İcra Hakimiyyətinin rəsmiləri, eləcə də rayon ictimaiyyətinin nümayəndələri iştirak ediblər.

  

  Oktyabrın 25-də Prezident İlham Əliyev, Hadi Rəcəblinin «Şöhrət» ordeni ilə təltif olunması haqqında sərəncam imzalamışdır. Sərəncamda deyilir ki, H. Rəcəbli bu yüksək dövlət mükafatına Azərbaycanın ictimai-siyasi həyatında fəal iştirakına görə layiq görülür.

     Mili Məclisin iş prinsiplərindən biri də budur ki, qrafik əsasında deputatlarından hər gün biri şikayətçiləri qəbul etməlidir. Bu qayda, Milli Məclisin Sosial-siyasət daimi komissiyasının sədri - Hadı Rəcəbli üçün də istisna deyil. Hadı müəllim Lənkərandan deputat seçilmişdir. Lakin maraqlıdır ki, onunla görüşmək üçün əvvəlcədən qəbula yazılmış şəxslərin çoxu şəkililərdir! Bəs Şəki əhalisinin Hadı Rəcəblinin yanına üz tutnasının səbəbi nədir? 

Oktyabrın 25-də Hadı Rəcəblinin 60 yaşı tamam oldu.

 

  

       Ehtiyyatlı olun!

Bakıda polis forması geymmiş daha bir mütəşəkkil cinayətkarlar dəstəsi - bu dəfə Dövlət Nəqliyyat Departamentinin əməkdaşları; onlar nömrə oğurluğu ilə məşğuldurlar!

 

      Oktyabrın 23-də, saat 23. 30 radələrində Nəqliyyat Departamentinin 3 nəfər əməkdaşı Türk "Abit Beşer" şirkətinin Sabunçu dairəsi yaxınlığındakı  qarajına basqın etmiş və özlərinin 3 nəfər, orada isə həmin şirkətdən yalnız bir nəfər özəl mühafizə əməkdaşının olmasıdan istifadə edərək, maşın nömrələrini oğurlamağa cəhd etmişlər. Lakin, son nəhayətdə  bu "polisl"lər 1 nəfər tərəfidən döyülüb, alçaldıcı söyüş sədalarının müşaiyyəti ilə qaçmağa məcbur edilmişdir! Haqq həmişə qalib gəlir! O ki qaldı departament işçilərinin nəyə görə nömrə oğurlamaq istəmələrinə, sirr deyil ki onlar həmin nömrələri sonradan 1000-2000 dollar məbləğ əvəzində Şirkət rəhbərliyinı "qaytaracaq"dırlar. Pis alver deyil ha! Akumlyator, maqlitafon, təkər yerinə nömrə oğurluğu daha gılirlidir! Sağ əlləri digər maşın oğrularının başına. 

    Onlar daha 1-2 ay əvvəl həmin yerdən bir "Zil" narkalı maşının arxa nömrəsini oğurlayıb sonra sürücüsünə 300 dollara təklif etmişdilər. Mümkündür ki 1-2 ay əvvəl Amerika səfirliyinə məxsus maşının da nömrələrini onlar oğurlayıblar...

   Yeri gəlmişkən, biz bu barədə Nəqliyyat nazirliyinin saytına yazdiq. Lakin cavab vermədilır. Onların "qaynar xətt"lərinə də zəng etdik. Otboy verdilər. İnanmırsınızsa siz də zəng edin: 0124656353. Götürməyəcəklər!

 

      Salam Aydin muəllim. Necəsiniz ?
       Sizin yaratdiginiz sayti xarici ölkələrdə yaşayan dostlarımıza vermişəm. Bu yaxınlarda yenidən təşkilatımızın təşəbbüsü ilə tədbirlər keçirmişik. Yeni bir qurum varatmışıq:  "Xalq evi " qurumu. Sizə, bu barədə məlumat üçün bir material və əlavə,  fotoşəkillər göndərirəm. Gələcəkdə keçirəcəyimiz tədbirlər və gördüyümüz işlər barədə də yazacağam. Sağ olun və sağlıqla qalın. 

Hörmətlə, Intigam.

Almaniyada  "Xalq evi" adlı Azərbaycanlıların yeni təşkilatı yaradıldı

 

 

 

Sentyabrın 28-də Ombudsman Elmira Süleymanova Şəkidə İctimai dinləmələr keçirmişdir

  

 

Xaricdə yaşayan həmvətənlərimizdən xahiş edirik:

    Vaxtilə Avropa səyahətinə çıxmış Bəharəddin adlı bir iş adamının şəhadədətinə görə, o, Almaniyada Z. Tağıyevin tikdirdiyi məscidlə qarıılaşmışdır; Bəharəddin qardaşımız öyrənir ki, o vaxtlar Almaniyada məscid inşa edlməsinə icazə verilmədiyi üçün Z. Tağıyev məscid formasında tütün fabriki tikdirmışdı. İstəmışdı ki, orada yaşayan müsəlmanlar heç olmasa gələcəkdə həmin binadan məscid kimi istifadə edə bilsin. 

     Bəharəddin qardaşımız İsveçrədə - Bern şəhəri ətrafındakı qəsəbədə ( bu qəsəbənin adını "Crshi" kimi yadında saxlamışdır) isə bir şəxsi qallareyada, 19-cu əsrdə Şəki şəhərində çəkilmiş və Şəkinin mənzərələrini əks etdirən rəsm əsərləri ilə tanış olmuşdur. O, öyrənir ki rəssam hansısa alman qrafı imiş və 19-cu əsrdə bir ay Şəkidə yaşamışdır.

    Biz əvvəlcə, Almaniyada fəaliyyət göstərən Azərbaycan Akademik Birliyinin "Yaho qrupu" vasitəsilə  bu məsələləri dəqiqləşdirməyə cəhd etdik. Nurlana xanım bizə yazdı ki, həqiqətən, Drezdendə məscid üslubunda bir tütün fabriki var.

  Hörmətl həmvətənlər. Bu barədə sizin də nəsə bir məlumatınız varsa bizə bildirin:

  

Barbarlıq, yaxud Bakıdakı Sovet dövründən qalma, möhtəşəm mehmanxana binalarına qarşı "səlib yürüşü" !!!

 

      "Qarabağ"dan başladılar, Bakıda Sovet dövrünün bütün mehmanxanalarını sökməyə. Tarixi memarlıq abidəsi olan Köhnə "İnturist"i də. Hansı kı onun memarı həm də Lenin Movzeleyinin memarı idi. Özü də bütün bu hadisələr elə bir vaxtda baş verir ki, tələbələrin yataqxanalara, qaçqinların və Bakıda məskunlaşmüş yarım milyon kirayəşinin isə mənzilə ehtiyaci var. Olmazdimi ki onları sökməyərdilər verərdilər bunlara?! Əgər kimsə mehmanxana tikmək istəyirsə nə çoxdu boş yer, tiksin də...

       Yeri gəlmişkən, İndi Şəkidən Bakıya gələn adam burada 1 gün qalmaq istəsə və qalmağa yeri yoxdursa və gecələmək üçün ən ucuz mehmanxanaya üz tutsa, cibində azı 100 dolları olmalıdır! Biz hara gedirik?!

 

 

Dünya Azərbaycanlıları Konqresinin saytı yaradıldı

 

    Salam əziz həmyerlilərim. Keçən dəfə sizə tanişliq ücün məktub yazmışdım. Indi Almaniyada diaspora fəaliyyəti ilə əlaqədar güclü işlər görməkdəyik. Inşallah sizə tədbirlərimiz haqqında məlumat verəcəyəm. Nazim müəllimə, qardaşı Rüfət müəllimə  mənim adımdan salamlar deyin. Sizlərdən cavab gözləyirəm. Sağ olun. Allah amanında.

Avropa Insan Hüquqları Müdafiə təşkilatının Qafqaz bölgəsi üzrə təmsilçisi İntiqam Məmmədovun MƏLUMATI 

 

 22 - 28 avqust, Dünya Azərbaycanlıları Konqresi Mətbuat xidməti

 

 Avqustun 7-də "Azər.Tac" "Şəkinin səsi"nin rəy sorğusu barədə məlumat yayır 

 

 

İyunun 26-da "Abit Beşer" Bakida yol salmağa başladı

 

Bu Türk şirkəti daha əvvəl Lənkəranda, sonra isə Zakatalada Aereport üçün yol çəkmişdir. İyunun 26-dan etibarən isə Bakının "Sabunçu dairəsi"dən H. Əliyev adına hava limanı istiqamətində yol çəkilişinə başladı. İşçi heyətinın yarıdan çoxunu azərbaycanlılar təşkil edir. Onların aylıq əmək haqqı 300-800 ABŞ dollarıdır.

 

Iyunun 25-i Prezident Ilham Əliyevin qızı təhsil aldığı Moskva Dövlət Universitetinin bir qrup tələbəsi ilə birlikdə Şəkiyə gəlmişdir.

 

İyunun 24-i saat 11 radələrində Şəki şəhərində "Sənətkarlar bayrami" start götürmüşdür

 

        12 xarici ölkənin Azərbaycandakı səfitləri və bizim respublikanın bir çox yüksək vəzifəli şəxsləri tədbiri müşaidə etmək üçün Şəkiyə gəlmişlər.

 

foto: M. Salis (Bax tədbirdə çəkilmiş digər şəkillərə: >>> )

İyun ayının 15-də “Şəkinin səsi” qəzetinin nəşrə başramasınin 14-cü ili tamam oldu; İndi həmin gün, "Qurtuluş günü"dür! 

   1993-cü ilin iyun ayının 15-də, Azərbaycanda ictimai-siyasi  vəziyyət xeyli kəskin idi. Axşam Milli Məclisdə, Milli Məclisin həm də prezident səlahiyyətlərini icra edəcək sədri seçilməli idi. Belə bir gündə, günorta vaxtı “Şəkinin səsi” qəzetinin 1-ci sayı Şəki mətbəəsində nəşr olunurdu. “Şəkinin səsi” qəzeti artıq Azərbaycan ictimaiyyətinə məlumat verirdi ki: “Heydər Əliyev Milli Məclisin sədri seçilmişdir!”  Bəli, hələ xeyli əvvəldən Salis Məmmədov əmin idi ki məhz, Heydər Əliyev Azərbaycan Milli Məclisinin sədri olacaqdır! Bax: >>> 

    

Iyun ayiının 10 da bu internet səhifəsi Azərbaycanın  58-ci qəzet saytı kimi kataloq.net də qeydiyyata düşdü; 

Bax:>>>  

İyulun 1-də Şəki Şəhər İcra Hakimiyyətinin iclas salonunda Balakən, Zakatala, Qax, Oğuz və Qəbələ rayon Mədəniyyət və Turizm Şöbələrinin fəaliyyətlərinə həsr olunmuş səyyar yığıncaq keçirilmişdir; 

Bax:>>>

 

Abid Şərifov Şəkidə

 

  Mayın 13-də Şəki 10 saylı orta məktəbin 1947-ci il buraxılışının 50 illiyi münasıbəti ilə keçirilən təntənəli tədbir və şənlikdə iştirak etmək üçün Abid Şərifov da Şəkiyə gəlmişdir; Bax: M. Salisin çəkdiyi digər foto şəkillərə >>> 

  •  Mayın 15-də Almaniya səfiri yenə Şəkiyə gəlmişdir.     (Foto:   M. Salis)

 

Aprelin 3 – 4-də Almaniya səfiri Şəkidə olmuşdur

....diplomat əlavə etdi ki, “Almaniyada təzəlikcə nəşrə başlayan və bütün dünyada maraqla oxunan "Jahrbuch Aserbaidschanforschung" adlı elmi məcmuənin 1-ci buraxılışının Bakıdakı təqdimat mərasimi haqqında "Şəkinin səsi" qəzetində dərc edilmiş məqalə, onun üçün gözlənilməz və gözəl bir sürpriz olub. "Jahrbuch Aserbaidschanforschung"un nəşri Azərbaycan üçün, xüsusilə də Azərbaycan elmi üçün böyük əhəmiyyət kəsb etdiyinə baxmayaraq, bu məcmuənin nəşri və onun Bakıdakı təqdimat mərasimi barədə Azərbaycan KİV arasından yalnız "Şəkinin səsi" qəzetinin məlumat yayması, bir tərəfdən "Şəkinin səsi"nin operativliyinə dəlalət edirsə, digər tərəfdən, başqa Azərbaycan KİV-də, o cümlədən televiziyalarda, işlərin düzgün, Azərbaycanın maraqlarına uyğun olaraq qurulmamasına dair bariz bir misaldır!”.   Bax: >>> 

Nazim İbrahimovun Belçikaya işgüzar səfəri;


Və bu səfərin yekunları ilə bağlı Şəki Şəhər İcra Hakimiyyətinin başçısı Nazim İbrahimovdan “Şəkinin səsi” qəzetinin baş redaktoru, respublikanın Əməkdar jurnalisti M. Salisin götürdüyü müsahibə; Bax:>>>

Almaniyada bu il nəşrə başlamış "Jahrbuch Aserbaidschanforschung” un 2-ci buraxılışı üçün məqalələrin qəbuluna başlanıldı! Bax: >>>  

Foto: 1-ci buraxılışın təqdimat mərasimi  

Almaniyanın Boxum şəhərində fəaliyyət göstərən "Azərbaycan Akademik Birliyi" nin sədri Mərdan Ağayev bu təşkilatın internet saytlarını yaradır:

http://jaf.aserbaidschan.googlepages.com/ və www.asav.org    

Ədalət Tahirzadənin
“Şəkinin tarixi qaynaqlarda” kitabı


     Ədalət Tahirzadənin 2005-ci ildə «Master» nəşriyyatında çapdan çıxmış «Şəkinin tarixi qaynaqlarda» adlı kitabı, Şəki tarixinə dair ən sanballı nəşr oldu. Kitabda 19-cu əsr və 20-ci əsrin əvvəllərində ərəb əlifbası ilə qələmə alınmış, yaxud çap olunmuş Şəkinin tarixinə dair əsərlərin müasir əlifbaya transliterasiyası, bunların müəllifləri haqqında geniş məlumatlar və s.lər verilmişdir. Tədqiqatçının – filologiya elmləri namizədi Ədalət Tahirzadənin zəhməti nəticəsində Şəki tarixi ilə maraqlanan sonrakı tədqiqatçıların işi xeyli yüngülləşir:  Təsəvvür edin, həmin əsərlərdən əlyazma şəklində olanları oxumaq üçün şəxsən mən, Əlyazmalar İnstitutunun oxucu zalında günlərlə otururdum, bəzən, adi «cızma-qaradan» ibarət olan bir sətri düzgün oxumaq üçün neçə saat vaxt sərf edirdim, elə də olurdu ki bir nəticə hasil edə bilmirdim, indi isə əlimin altında onların peşəkar tərəfindən edilmiş transliterasiyaları var!
Məhz, Ə. Tahirzadənin zəhməti sayəsində Mirabbas Mirbağırzadə və Ələşrəf Kərimovu (İsmayılovu) oxuyub, 1-ci dünya müharibəsi nəticəsində Səki şəhərində yaranmış acınacaqlı vəziyyətlə – qəlbimizi göynədən, gözümüzü yaşardan dəhşətli statistika ilə tanış olmaq imkanı qazandıq. Həmin müəlliflərin yazdıqlarından məlum olur ki, ötən əsrin 20-ci illərinə yaxın, Şəki şəhərində təxm. 55 min adam yaşayırmış, 8 min fəhlə var imiş. Bu vaxt iqtisadi böhran başlayır, Şəki iqtisadiyyatının əsasını təşkil edən ipəkçilik, baramaçılıq tənəzzülə uğrayır. Fabrik və zavodlar dayanır, nəticədə 8 min fəhlə və 25 min nəfər fəhlə külfəti (orta hesabla hər fəhləyə 3 nəfər ailə üzvü), cəmi 33 min nəfər acından ölür! Bizi təsirləndirən həm də budur ki, eyni vəziyyət 90-cı illərin ortalarında da təkrar olunmuşdur. Müqayisə edin:  Yenə o qədər əhali, yenə o qədər fəhlə, yenə iqtisadi tənəzzül, yenə fabrik və zavodlar dayanır, üstəlik,  normal həyat üçün başlıca amil olan qaz və elektriki də kəsirlər. Təsəvvür edin, Cənubi Qafqazda ən birinci elektrikləşmiş sənaye şəhəri 10 il işıq üzünə həsrət qaldı; 1994-cü ildə bir gecədə çörəyin qiyməti  5 dəfə (!) 50 manatdan 250 manata qalxdı... Deməli, yenə Şəki şəhərinin azı 33 min sakini acından ölmək təhlükəsi üz-üzə dayandı! Bax: >>>

BİZƏ YAZIN:
shekininsesi@gmail.com   

 

Təzə yaradilmış bu saytın

hansı səhifələrinin artıq internetin "axtarış" sisteminə daxi edildiyini bilmək üçün  bax: >>>

hansı fotoşəkillərinin artıq internetin "axtarış" sisteminə daxi edildiyini bilmək üçün  bax: >>>